Журналист Николо Скиранинг хабар беришича, "Бешиктош" қишда "Ювентус" чап қанот вингери Лука Пеллегринини сотиб олмоқчи бўлган. Бироқ, клублар ўртасидаги ижара шартномасидаги мажбурий сотиб олиш банди туфайли италиялик футболчи мавсум охиригача "Лацио"да қолишига тўғри келди. Харид қилиш банди мавсум охирида фаоллашади ва Турин клуби футболчи учун 4 миллион евро олади.
Эслатиб ўтамиз, жорий мавсумда 25 ёшли футболчи "Лацио" сафида барча турнирларда 21 та ўйин ўтказиб, 3 та голга ассистентлик қилган. Нуфузли "Transfermarkt" портали Пеллегринининг нархини 3,5 миллион еврога баҳоламоқда.
