Turkiyada yangi mavsumga tayyorgarlik ko‘rayotgan “Neftchi” navbatdagi nazorat uchrashuvida Rossiyaning “Rubin” klubiga qarshi bahs olib bordi va 1:0 hisobida g‘alaba qozondi.
Nazorat uchrashuvi, Antaliya
“Neftchi” - “Rubin” 1:0
Gol: Toma Tabatadze 43’
“Neftchi” tarkibi:
Eldor Suyunov (Botirali Ergashev), Muxsin Ubaydullayev, Anvar G‘ofurov, Farrux Sayfiyev, Abrop Ismoilov (Quvondiq Ruziev), Ibrohim Halil Yo‘ldoshev (Shohrux G‘adoyev), Bilolxon Toshmirzayev, Jamshid Iskanderov (Jamshid Boltaboyev), Ikrom Aliboyev (G‘ulomhaydar G‘ulomov), Toma Tabatadze (Zoran Marushich), Vladimir Yovovich (Muhammadali G‘iyosov).
Uchrashuvda “Rubin” faollikni yuqori bosib, xavfli vaziyatlar yaratishga urinib ko‘rdi, lekin ularga aniqlik yetmadi. Birinchi bo‘limda “Neftchi” asta-sekin tashabbusni qo‘lga oldi va 43-daqiqada Toma Tabatadze gol urdi.
Ikkinchi bo‘limda raqiblar hisobni tenglashtirishga yaqin keldi, lekin ularning zarbalari ustunga tegib qaytdi. “Neftchi” futbolchilari ham faol o‘ynab, hisobni oshirishga urindi, lekin hisob o‘zgarmadi.
