Туркияда янги мавсумга тайёргарлик кўраётган “Нефтчи” навбатдаги назорат учрашувида Россиянинг “Рубин” клубига қарши баҳс олиб борди ва 1:0 ҳисобида ғалаба қозонди.

Назорат учрашуви, Анталия
“Нефтчи” - “Рубин” 1:0
Гол: Тома Табатадзе 43’

“Нефтчи” таркиби:
Элдор Суюнов (Ботирали Эргашев), Мухсин Убайдуллаев, Анвар Ғофуров, Фаррух Сайфиев, Аброp Исмоилов (Қувондиқ Рузыев), Иброҳим Ҳалил Йўлдошев (Шоҳрух Ғадоев), Билолхон Тошмирзаев, Жамшид Искандеров (Жамшид Болтабоев), Икром Алибоев (Ғуломҳайдар Ғуломов), Тома Табатадзе (Зоран Марушич), Владимир Йовович (Муҳаммадали Ғиёсов).

Учрашувда “Рубин” фаолликни юқори босиб, хавфли вазиятлар яратишга уриниб кўрди, лекин уларга аниқлик етмади. Биринчи бўлимда “Нефтчи” аста-секин ташаббусни қўлга олди ва 43-дақиқада Тома Табатадзе гол урди.

Иккинчи бўлимда рақиблар ҳисобни тенглаштиришга яқин келди, лекин уларнинг зарбалари устунга тегиб қайтди. “Нефтчи” футболчилари ҳам фаол ўйнаб, ҳисобни оширишга уринди, лекин ҳисоб ўзгармади.