«Barselona» bosh murabbiyi Xans-Diter Flik jamoasi La Liga turnir jadvalida peshqadamdan atigi ikki ochko orqada ekanligi haqidagi savolga javob berdi. Bu savol unga 23-tur doirasida «Sevilya» ustidan qozonilgan yirik g‘alabadan (4:1) so‘ng berilgan.

Flikning so‘zlariga ko‘ra, «Barselona» faqat o‘z o‘yiniga e’tibor qaratishni istaydi:

«Boshqa klublar haqida o‘ylamaymiz. Biz o‘z ishimizni qilishimiz kerak. Bugun bu vazifani juda yaxshi uddaladik. Biz faqat o‘zimizga e’tibor qaratamiz, boshqa jamoalarga emas», — deb Flikning so‘zlarini keltiradi ESPN.

Eslatib o‘tamiz, «Barselona» 23 ta o‘yindan so‘ng La Liga turnir jadvalida uchinchi o‘rinni egallab turibdi. Hozircha musobaqa peshqadami «Real Madrid», ikkinchi o‘rinda esa «Atletiko» joylashgan.