"Manchester Yunayted"ning afsonaviy yarim himoyachisi Pol Skoulz Aleksandr Isakning "Arsenal"ga o‘tishi haqidagi mish-mishlarga munosabat bildirdi.
"Hamma uni yaxshi ko‘radi, lekin men uning "Arsenal"ga o‘tayotganini ko‘rmayapman. U kattaroq va yaxshiroq narsalarni izlashi kerak. Biz "Real Madrid" haqida gapiryapmiz, "Liverpul"ga markaziy hujumchi kerak. "Arsenal" variant bo‘lishi mumkin, lekin bu birinchi o‘rinda turadi deb o‘ylamayman.
Men yomon gapirmoqchi emasman, lekin u hozir “Nyukasl”da, ajoyib jamoa, lekin ular chempionlikni qo‘lga kirita olmaydi. Uning faoliyatining keyingi bosqichi chempionlik uchun kurashayotgan klubda.
O‘ylaymanki, "Arsenal"ga o‘tish tavakkal bo‘lardi, chunki u yerda ham xuddi shunday vaziyatga tushib qolgan bo‘lardi. “Liverpul”da ham “Manchester Siti” va “Real”ning imkoniyatlari ancha yuqori. Menimcha, uning ambisiyalari "Arsenal"dan yuqori bo‘lishi kerak. "Manchester Yunayted" ham qiziqish bildirishi mumkin, ammo bizning hozirgi sharoitimizda bu haqiqatga to‘g‘ri kelmaydi", - deydi Skoulz.
Joriy mavsumda 25 yoshli shved “Nyukasl” safida barcha turnirlar doirasida 28 ta o‘yinda maydonga tushib, 19 ta gol urdi va 5 ta golli uzatmani amalga oshirdi.
