"Манчестер Юнайтед"нинг афсонавий ярим ҳимоячиси Пол Скоулз Александр Исакнинг "Арсенал"га ўтиши ҳақидаги миш-мишларга муносабат билдирди.

"Ҳамма уни яхши кўради, лекин мен унинг "Арсенал"га ўтаётганини кўрмаяпман. У каттароқ ва яхшироқ нарсаларни излаши керак. Биз "Реал Мадрид" ҳақида гапиряпмиз, "Ливерпул"га марказий ҳужумчи керак. "Арсенал" вариант бўлиши мумкин, лекин бу биринчи ўринда туради деб ўйламайман.

Мен ёмон гапирмоқчи эмасман, лекин у ҳозир “Ньюкасл”да, ажойиб жамоа, лекин улар чемпионликни қўлга кирита олмайди. Унинг фаолиятининг кейинги босқичи чемпионлик учун курашаётган клубда.

Ўйлайманки, "Арсенал"га ўтиш таваккал бўларди, чунки у ерда ҳам худди шундай вазиятга тушиб қолган бўларди. “Ливерпул”да ҳам “Манчестер Сити” ва “Реал”нинг имкониятлари анча юқори. Менимча, унинг амбициялари "Арсенал"дан юқори бўлиши керак. "Манчестер Юнайтед" ҳам қизиқиш билдириши мумкин, аммо бизнинг ҳозирги шароитимизда бу ҳақиқатга тўғри келмайди", - дейди Скоулз.

Жорий мавсумда 25 ёшли швед “Ньюкасл” сафида барча турнирлар доирасида 28 та ўйинда майдонга тушиб, 19 та гол урди ва 5 та голли узатмани амалга оширди.