"Manchester Siti" bosh murabbiyi Xosep Gvardiola Angliya Premyer-Ligasining 25-turidan o‘rin olgan "Nyukasl Yunayted"ga qarshi uchrashuvda (4:0) himoyachi Abduqodir Husanovning o‘yini haqida fikr bildirdi.
— Husanovning hujumga o‘tishdagi tezligi – aynan shuning uchun biz uni sotib oldik. U juda tezkor. Ammo Abduqodir janglarda ortiqcha tajovuzkorlik ko‘rsatadi va agar ularni yutib bera olmasa, muammoga duch keladi. U hali ham adaptasiya jarayonida, lekin vaqt o‘tishi bilan barchasini o‘zlashtiradi, — deya Gvardiolaning so‘zlarini keltiradi "shaharliklar"ning rasmiy sayti.
Eslatib o‘tamiz, 20 yoshli Husanov yanvarda "Manchester Siti"ga ko‘chib o‘tganidan beri barcha turnirlarda uchta o‘yin o‘tkazib, bir gol urgan.