"Liverpul" hujumchisi Muhammad Saloh klubdan yangi shartnoma bo‘yicha taklif oldi.
Yulduz futbolchining amaldagi shartnomasi kelasi yozda o‘z nihoyasiga yetadi. Misrlik taniqli jurnalist Ahmad Attaning yozishicha, "qizillar" Salohga maoshini hozirgidan ancha qisqartirishni nazarda tutuvchi rasmiy taklif bilan chiqqan. Saudiya Arabistoni chempionati vakillarining uni dunyoning eng ko‘p maosh oluvchi futbolchilaridan biriga aylantirishga tayyorligini hisobga olsak, hujumchi bunday shartlarga rozi bo‘ladimi yoki yo‘qmi, noma’lum.
Muhammad Saloh ajoyib mavsumni o‘tkazmoqda: u barcha musobaqalarda Arne Slot jamoasi safida 37 ta jangda 29 ta gol urdi va 20 ta golli uzatmani amalga oshirdi.
