"Ливерпуль" ҳужумчиси Муҳаммад Салоҳ клубдан янги шартнома бўйича таклиф олди.
Юлдуз футболчининг амалдаги шартномаси келаси ёзда ўз ниҳоясига етади. Мисрлик таниқли журналист Аҳмад Аттанинг ёзишича, "қизиллар" Салоҳга маошини ҳозиргидан анча қисқартиришни назарда тутувчи расмий таклиф билан чиққан. Саудия Арабистони чемпионати вакилларининг уни дунёнинг энг кўп маош олувчи футболчиларидан бирига айлантиришга тайёрлигини ҳисобга олсак, ҳужумчи бундай шартларга рози бўладими ёки йўқми, номаълум.
Муҳаммад Салоҳ ажойиб мавсумни ўтказмоқда: у барча мусобақаларда Арне Слот жамоаси сафида 37 та жангда 29 та гол урди ва 20 та голли узатмани амалга оширди.
