Bugun Saudiya Arabistoni poytaxti Ar-Riyod shahrida uzoq kutilgan professional boks turniri bo‘lib o‘tadi.
Turki Al ash-SHeyx tomonidan tashkil etilayotgan katta boks oqshomining markaziy jangi yarimog‘ir vazn toifasida o‘tkaziladi. Unda rossiyalik bokschilar Artur Beterbiyev va Dmitriy Bivol o‘zaro revansh jangida to‘qnash keladi. Ilk jangda Artur ochkolar hisobiga ko‘ra g‘alaba qozonib, mutlaq jahon chempioniga aylangandi.
Biz uchun ahamiyatlisi, ushbu kard doirasida hamyurtimiz Isroil Madrimov amerikalik Virjil Ortisga qarshi 12 raundlik chempionlik jangida ringga ko‘tariladi. Bugungi jang oldidan barcha ishtirokchilar tarozidan o‘tish marosimida hozir bo‘lishdi. Madrimov tarozida raqibidan yarim kilogramm og‘irroq tosh bosdi. Ikkala bokschi ham belgilangan vazn me’yorini bajargan.
Tarozi natijalari:
Jozef Parker — 121,1 kg
Martin Bakole — marosimga yetib kela olmadi
Shakur Stivenson — 60,8 kg
Josh Pedli — 60,8 kg
Karlos Adames — 71,7 kg
Xamza Shiraz — 72,1 kg
Virjil Ortis — 69,4 kg
Isroil Madrimov — 69,9 kg
Agit Kabayel — 109,3 kg
Chjan Chjiley — 130,4 kg
Joshua Buatsi — 79,4 kg
Kallum Smit — 79 kg
Ziyad Almaayuf — 65 kg
Jonatas Rodrigu Gomesh de Oliveyra — 64,3 kg
Muhammad Alalkel — 60,8 kg
Enxel Gomes — 59,9 kg
