Braziliya va "Real"ning sobiq himoyachisi Marseloning o‘g‘li Enso Alves Madrid klubi bilan shartnoma imzoladi. Bu haqda insayder Fabrisio Romano xabar berdi. 15 yoshli futbolchi “qaymoqranglilar” yoshlar jamoasida o‘ynaydi.
Eslatib o‘tamiz, Marselo 2007 yilning yanvaridan 2022 yilning avgustigacha "Real Madrid" safida o‘ynagan. "Qirollik klubi"dagi faoliyati davomida braziliyalik futbolchi 5 marta UYEFA Chempionlar ligasida g‘olib chiqqan. 2022 yil sentyabrida Marselo Gresiyaning “Olimpiakos” klubiga o‘tdi va o‘tgan yilning noyabrida braziliyalik “Fluminense”da faoliyatini yakunladi.
Bu mavsumda "Real Madrid" Ispaniya chempionati turnir jadvalida ikkinchi o‘rinda bormoqda. Karlo Anchelotti shogirdlari 24 o‘yindan so‘ng 51 ochkoga ega. Peshqadamlik qilayotgan "Barselona" qo‘shimcha ko‘rsatkichlar bo‘yicha "Real"dan oldinda.
