Бразилия ва "Реал"нинг собиқ ҳимоячиси Марселонинг ўғли Энцо Алвес Мадрид клуби билан шартнома имзолади. Бу ҳақда инсайдер Фабрицио Романо хабар берди. 15 ёшли футболчи “қаймоқранглилар” ёшлар жамоасида ўйнайди.
Эслатиб ўтамиз, Марсело 2007 йилнинг январидан 2022 йилнинг августигача "Реал Мадрид" сафида ўйнаган. "Қироллик клуби"даги фаолияти давомида бразилиялик футболчи 5 марта УЕФА Чемпионлар лигасида ғолиб чиққан. 2022 йил сентябрида Марсело Грециянинг “Олимпиакос” клубига ўтди ва ўтган йилнинг ноябрида бразилиялик “Флуминенсе”да фаолиятини якунлади.
Бу мавсумда "Реал Мадрид" Испания чемпионати турнир жадвалида иккинчи ўринда бормоқда. Карло Анчелотти шогирдлари 24 ўйиндан сўнг 51 очкога эга. Пешқадамлик қилаётган "Барселона" қўшимча кўрсаткичлар бўйича "Реал"дан олдинда.













