Kataloniyaning "Barselona" klubi Turinning "Yuventus" klubi markaziy hujumchisi Dushan Vlahovichga qiziqish bildirmoqda. Bu haqda Todofichajes portali xabar bermoqda.
Manbaga ko‘ra, "blaugranalar" 25 yoshli serbni polshalik Robert Levandovskiga o‘rinbosar sifatida ko‘rmoqda. "Barsa" yozgi transfer oynasida Dushanni sotib olishi mumkin.
Futbolchining bozor narxi 60 million yevroni tashkil qiladi. Italiya chempionatining joriy mavsumida Vlahovich 20ta o‘yin o‘tkazdi. Hujumchi 9 ta gol urdi va bir golli uzatmani amalga oshirdi.
