Ayni damda Angliya chempionati 27-turi o‘tkazilmoqda, “Nottingem Forest” o‘z maydonida Londonning “Arsenal” jamoasini qabul qildi va favoritdan ochko olishga muvaffaq bo‘ldi – 0:0.
Uchrashuvni "Arsenal"ning sobiq himoyachisi Martin Kioun izohladi. Uning fikricha, jamoa o‘yinchilari motivasiyani yo‘qotgan va “Liverpul”ga yetib olishlariga ishonchlari yo‘qolgan.
"Chempionlikni qo‘lga kirita olmasligingizni tushunsangiz ham, bunday o‘yinlarni o‘z holiga tashlab qo‘yib bo‘lmaydi.
Bu sizning kuchli to‘rtlikdan chiqib ketishingizga olib kelishi mumkin. Biroq, hech bo‘lmaganda, biz yutqazmaganimiz yaxshi, chunki biz "Forest"ning bizga yaqinlashishiga yo‘l qo‘ymadik.
Endi biz dam olishimiz va keyingi o‘yinda g‘alaba qozonish uchun tayyorlanishimiz kerak", - deya Kiounning so‘zlarini keltiradi BBC Sport.
Keyingi o‘yin 9 mart kuni "Manchester Yunayted"ga qarshi bo‘ladi.
