“Kristal Pelas” “Milluoll”ni 3:1 hisobida mag‘lub etib, Angliya kubogi chorak finaliga chiqdi.
O‘yin boshida “burgutlar” hujumchisi Jan-Filipp Mateta jiddiy jarohat oldi – “Milluoll” darvozaboni uning boshiga tepdi, buning uchun u qizil kartochka oldi.
O‘yindan so‘ng “Kristal Pelas” bosh murabbiyi Oliver Glasner Matetaning holati haqida fikr bildirdi.
"Mateta kasalxonada hushiga keldi. Uning qulog‘i dahshatli ko‘rinadi. Biz eng yaxshisiga umid qilamiz.
Biz unchalik xursand emasmiz, biroq chorak finalga chiqish, albatta, ajoyib. Ishonchim komilki, darvozabon unga jarohat yetkazishni niyat qilmagandi.
Men uni ayblamoqchi emasman, lekin bu dahshatli", — deya Glasnerning so‘zlarini keltirgan BBC.
