“Кристал Пэлас” “Миллуолл”ни 3:1 ҳисобида мағлуб этиб, Англия кубоги чорак финалига чиқди.
Ўйин бошида “бургутлар” ҳужумчиси Жан-Филипп Матета жиддий жароҳат олди – “Миллуолл” дарвозабони унинг бошига тепди, бунинг учун у қизил карточка олди.
Ўйиндан сўнг “Кристал Пэлас” бош мураббийи Оливер Гласнер Матетанинг ҳолати ҳақида фикр билдирди.
"Матета касалхонада ҳушига келди. Унинг қулоғи даҳшатли кўринади. Биз энг яхшисига умид қиламиз.
Биз унчалик хурсанд эмасмиз, бироқ чорак финалга чиқиш, албатта, ажойиб. Ишончим комилки, дарвозабон унга жароҳат етказишни ният қилмаганди.
Мен уни айбламоқчи эмасман, лекин бу даҳшатли", — дея Гласнернинг сўзларини келтирган BBC.
