"Yuventus" ketma-ket beshinchi g‘alabadan keyin A Seriya turnir jadvali peshqadamiga yaqinlashdi.
Dushanba kuni Tyago Motta jamoasi o‘z uyida "Verona"ni mag‘lub etdi - 2:0. 27 turdan so‘ng "byankonerilar" 52 ochko bilan 4-o‘rinda bormoqda va peshqadam "Inter"dan atigi 6 ochko ortda qolmoqda.
Uchrashuv tugagach, jurnalistlar Mottadan skudetto uchun kurash haqida o‘ylayapsizmi, deb so‘rashdi: "Men bugungi ajoyib o‘yinga butun e’tiborimni qaratishni afzal ko‘raman. Biz muhim uch ochkoni qo‘lga kiritdik," - deya tabassum bilan javob berdi "keksa sinyora" murabbiyi Sky Sport bilan suhbatda.
