"PSJ" klubi bosh murabbiyi Luis Enrike Chempionlar ligasi 1/8 finalidan o‘rin olgan "Liverpul"ga qarshi dastlabki o‘yin haqida fikr bildirdi.
"Biz mavsum boshidan qanday o‘ynagan bo‘lsak, shunday o‘ynashimiz kerak. "PSJ" haqiqatdan ham "Liverpul"dan ko‘ra ko‘proq to‘pga egalik qilishga harakat qilishi kerak, biz ulardan ko‘ra ko‘proq vaziyatlar yaratishimiz va himoyada samarali o‘ynashimiz kerak. Bizga qarshi eng barqaror jamoa o‘ynashini bilamiz, ammo bu o‘yindagi rejamiz o‘zgarmaydi va g‘alaba qozonishga harakat qilamiz," - dedi ispaniyalik mutaxassis matbuot anjumanida.
