"ПСЖ" клуби бош мураббийи Луис Энрике Чемпионлар лигаси 1/8 финалидан ўрин олган "Ливерпуль"га қарши дастлабки ўйин ҳақида фикр билдирди.
"Биз мавсум бошидан қандай ўйнаган бўлсак, шундай ўйнашимиз керак. "ПСЖ" ҳақиқатдан ҳам "Ливерпуль"дан кўра кўпроқ тўпга эгалик қилишга ҳаракат қилиши керак, биз улардан кўра кўпроқ вазиятлар яратишимиз ва ҳимояда самарали ўйнашимиз керак. Бизга қарши энг барқарор жамоа ўйнашини биламиз, аммо бу ўйиндаги режамиз ўзгармайди ва ғалаба қозонишга ҳаракат қиламиз," - деди испаниялик мутахассис матбуот анжуманида.
