"Inter"ning o‘ng qanot himoyachisi Denzel Dyumfris Chempionlar ligasi 1/8 finalining birinchi o‘yinida "Feyenoord" ustidan qozonilgan g‘alabadan so‘ng (0:2) o‘z fikrlarini bildirib o‘tdi.

"Ular ajoyib o‘ynashdi. Birinchi bo‘limda biz to‘p bilan biroz yaxshiroq o‘ynashimiz mumkin edi, ammo yakunda vaziyatni o‘zgartirdik va bu yaxshi jamoaviy o‘yin bo‘ldi.

Ikkala gol ham qanday o‘ynashni xohlayotganimizni ko‘rsatdi. Javob o‘yinida o‘zimizni eng yaxshi tomonlarimizni ko‘rsatishimiz kerak, diqqatimizni jamlashimiz kerak.

"Feyenoord" - ajoyib o‘yinchilarga ega ajoyib jamoa va ular qarshi hujumda juda yaxshi, shuning uchun javob o‘yinida g‘alaba qozonishga tayyor bo‘lishimiz kerak", - dedi futbolchi jurnalistlarga.