"Manchester Siti" bosh murabbiyi Xosep Gvardiola Angliya chempionatining 28-turi doirasida bo‘lib o‘tadigan "Nottingem Forest" klubiga qarshi o‘yin oldidan o‘z fikrlari bilan o‘rtoqlashdi.

"Abduqodir Husanovning jamoaga ta’siri juda yaxshi bo‘ldi... Vitor Reys "Plimut"ga qarshi bahsda juda yaxshi o‘ynadi. Endi akademiyadan ba’zi markaziy himoyachilar safimizga kelib qo‘shilmoqda. Katta yoshlilardan ba’zilari Klublar o‘rtasidagi jahon chempionatiga tayyor bo‘lishi mumkin. Biz jarohatlar borasida omadsizmiz, lekin klub yanvarda transfer qilishga qaror qildi, agar shunday qilmaganimizda, muammoga duch kelgan bo‘lardik.  

"Nottingem Forest" juda zich va ba’zi holatlarida agressiv o‘ynaydi. Hujumdagi to‘rtlik juda yaxshi va ko‘p imkoniyatlar yaratadi... Ularda yaxshi darvozabon, tajribali himoyachilar va har ikki qanotda o‘ynay oladigan himoyachilar bor. Maydon markazida jismoniy kuchli jamoa. Shuning uchun ular uchinchi o‘rinda. Aks holda, mavsumning oxirgi qismida bunday natijaga erisha olmagan bo‘lardilar".