"Real" TV yana bir bor madridliklar o‘yinidagi hakamning xatosini izladi.
"Real" La Liganing 27-turida "Rayo Valyekano"ni mag‘lub etdi (2:1).
2-daqiqada Vinisius chap qanotdan raqib jarima maydoniga yorib kirdi va markazga uzatma amalga oshirdi. Pas uzatilgan vaqtda "Rayo" himoyachisi Florian Lejen braziliyalik futbolchining to‘pig‘ini bosib oldi.
Uchrashuv bosh hakami Fransisko Ernandes Maeso vaziyatni e’tiborsiz qoldirdi.
"Agar bu Tchuameni yoki Kamavinga bo‘lganida, penalti bo‘lardi," - deya vaziyatga izoh berdi "Real" klubi telekanali.
