"Real Sosyedad"ning 19 yoshli ikki muxlisi Vinisiusga qarshi irqchilikda gumon qilinmoqda.

Shanba kuni basklar mamlakati polisiyasi San-Sebastyanda Madrid jamoasining 1:0 hisobidagi g‘alabasi bilan yakunlangan Ispaniya Kubogi yarim finalining birinchi o‘yinida “Sosyedad” muxlislarining “Real” vingeriga qarata qilgan haqoratomuz qo‘shiqlari va imo-ishoralarini tekshirishni boshladi.

La Liga avvalroq tasvirlarni tahlil qilish va lablarni o‘qish orqali irqchilik dalillarini to‘plaganidan keyin polisiyaga shikoyat qilgan edi.