Xabarga ko‘ra, "Real Madrid" Luka Modrichga ishonchli o‘rinbosar izlashda davom etmoqda va "PSJ" tarkibida porlayotgan yarim himoyachiga e’tiborini qaratgan. Gap o‘z pozisiyasida o‘zini eng yaxshi futbolchilardan biri sifatida ko‘rsatgan 25 yoshli portugaliyalik Vitinya haqida ketmoqda.

Portugaliyalik futbolchi "PSJ"ning taktik o‘yinida asosiy rol o‘ynaydi. Uning doimiy yuqori saviyadagi o‘yinlari Yevropaning top-klublari e’tiboridan chetda qolmadi va “Real Madrid” uni jamoa tizimiga juda mos kelishiga ishonadi. Biroq yarim himoyachi bilan shartnoma imzolash oson bo‘lmaydi.

"PSJ" o‘zining asosiy futbolchilaridan birini tegishli taklifsiz qo‘yib yuborish niyatida emas. Shunday ekan, “Real” bilan har qanday muzokaralar katta summadan boshlanadi.

Ushbu mavsumda portugaliyalik PSJ safida barcha turnirlarda 37 ta o‘yinda maydonga tushib, 6 ta gol va 2 ta golli uzatmaga mualliflik qilgan.