Dortmundning «Borussiya» klubi bosh murabbiyi Niko Kovach o‘z oldiga qo‘yilgan maqsadlarni amalga oshira olmasa, yozda jamoani tark etishi mumkin.
Bu haqda insayder Florian Plettenberg X ijtimoiy tarmog‘ida (sobiq Twitter) xabar berdi.
Manba bergan xabarga ko‘ra, klub yozda shartnomani bekor qilish imkoniyatiga ega emas, chunki murabbiyning shartnomasi 2026 yilgacha hisoblangan, demak, «Borussiya» muddatidan oldin ketish uchun pul to‘lashiga to‘g‘ri keladi.
Qayd etilishicha, shartnomada ishdan bo‘shatish bo‘yicha maxsus band bor. Agar klub yevrokuboklarda ishtirok eta olmasa, Kovach maoshining 50 foizidan mahrum bo‘ladi. Murabbiy va uning shtabini ishdan bo‘shatish taxminan 3 million yevroga tushadi.
