"Chelsi" yarim himoyachisi Kirnan Dyusberi-Xoll Konferensiyalar Ligasi 1/8 final javob o‘yini doirasida "Kopengagen"ga qarshi kechgan bahs (1:0) haqida fikr bildirdi.
"Bu raqib himoyasini yorib o‘tish qiyin bo‘ldi. Biz nimaiki qilib ko‘rmaylik, ular himoyalanishda yaxshi edilar. Birinchi bo‘limda ko‘p narsa o‘xshamadi, ammo keyin maydondagi vaziyatga ba’zi o‘zgartirishlar kiritdik. Va keyin, ko‘rganingizdek, biz ko‘proq vaziyatlar yaratishni boshladik. Yaxshiyamki, gol urib, g‘alaba qozondik.
Yevrokuboklarda, ularning istalganida o‘ynash - dunyodagi eng yaxshi hissiyot, deydi har bir futbolchi. O‘zimni ko‘rsatish uchun har bir imkoniyatdan doimo minnatdorman. Ayniqsa, "Stemford Brij"da. Ba’zida bu yerda gol urishga muvaffaq bo‘linadi va bu yoqimli," - deya Dyusberi-Xollning so‘zlarini keltiradi UEFA matbuot xizmati.
