2024/2025 yilgi mavsum davomida "Real" mudofaa chizig‘ida kadrlar bilan bog‘liq muammolarga duch keldi va kelmoqda. Shu jihatni inobatga olgan madridliklar yozgi transferlar davrida kuchayishni rejalashtirmoqda.

"Real"ning transfer maqsadi "Tottenxem" markaziy himoyachisi Kristian Romero bo‘lib turibdi, deya xabar bermoqda TEAMtalk. Nufuzli Transfermarkt portali 26 yoshli argentinalikni 65 million yevroga baholamoqda.

Shuningdek, "Real" o‘ng qanot himoyasini kuchaytirishni rejalashtirmoqda. Bu yerda klub erkin agentga aylanishi mumkin bo‘lgan Trent Aleksandr-Arnoldni o‘z safiga qo‘shib olmoqchi. Agar kelishuv barbod bo‘lsa, unda "qaymoqranglilar" "Tottenxem"dan Pedro Porro variantiga o‘tadi. 25 yoshli ispaniyalik 45 million yevroga baholanmoqda.