2024/2025 йилги мавсум давомида "Реал" мудофаа чизиғида кадрлар билан боғлиқ муаммоларга дуч келди ва келмоқда. Шу жиҳатни инобатга олган мадридликлар ёзги трансферлар даврида кучайишни режалаштирмоқда.
"Реал"нинг трансфер мақсади "Тоттенхэм" марказий ҳимоячиси Кристиан Ромеро бўлиб турибди, дея хабар бермоқда TEAMtalk. Нуфузли Transfermarkt портали 26 ёшли аргентиналикни 65 миллион еврога баҳоламоқда.
Шунингдек, "Реал" ўнг қанот ҳимоясини кучайтиришни режалаштирмоқда. Бу ерда клуб эркин агентга айланиши мумкин бўлган Трент Александр-Арнольдни ўз сафига қўшиб олмоқчи. Агар келишув барбод бўлса, унда "қаймоқранглилар" "Тоттенхэм"дан Педро Порро вариантига ўтади. 25 ёшли испаниялик 45 миллион еврога баҳоланмоқда.













