"Bavariya" futbolchisi Yozua Kimmix shartnomasini uzaytirish qarori haqida gapirdi.
Yarim himoyachi shu yozda erkin agentga aylanishi mumkin edi, ammo myunxenliklar bilan 2029 yilgacha yangi shartnoma imzolashga qaror qildi.
Ma’lumki, 30 yoshli germaniyalik futbolchining faoliyatini davom ettirish uchun boshqa variantlari bor edi, biroq u uzoq o‘ylanib, qolishni ma’qul ko‘rdi.
"Men Myunxenda o‘zimni qulay his qilaman, bu yerda oilam va farzandlarim bor – albatta, bularning barchasi muhim rol o‘ynaydi.
Bunda albatta klubning o‘zi ham muhim. "Bavariya"da o‘n yil vaqt o‘tkazsangiz, raqobatbardosh jamoada ekanligingizni his qilasiz" dedi Kimmix.
