"Бавария" футболчиси Йозуа Киммих шартномасини узайтириш қарори ҳақида гапирди.

Ярим ҳимоячи шу ёзда эркин агентга айланиши мумкин эди, аммо мюнхенликлар билан 2029 йилгача янги шартнома имзолашга қарор қилди.

Маълумки, 30 ёшли германиялик футболчининг фаолиятини давом эттириш учун бошқа вариантлари бор эди, бироқ у узоқ ўйланиб, қолишни маъқул кўрди.

"Мен Мюнхенда ўзимни қулай ҳис қиламан, бу ерда оилам ва фарзандларим бор – албатта, буларнинг барчаси муҳим роль ўйнайди.

Бунда албатта клубнинг ўзи ҳам муҳим. "Бавария"да ўн йил вақт ўтказсангиз, рақобатбардош жамоада эканлигингизни ҳис қиласиз" деди Киммих.