Jurnalist Rudi Galettining so‘zlariga ko‘ra, joriy yozda Pep Gvardiola o‘z jamoasini tubdan yangilaydi, shu bois bir qator futbolchilar, jumladan, tajribali Kovachich ham jamoani tark etadi.

Gvardiola transfer oynasiga hozirdanoq faol tayyorgarlik ko‘rayotgani va yarim himoyasini kuchaytirish bo‘yicha o‘zining asosiy ustuvorligini aniqlagani kutilmoqda. Manbalarga ko‘ra, "Siti"ning asosiy transfer maqsadi "Atalanta"ning braziliyalik yarim himoyachisi Ederson.

Ushbu mavsumda braziliyalik futbolchi “Atalanta” safida barcha turnirlarda 41 ta o‘yinda maydonga tushib, 4 ta gol va 2 ta golli uzatmaga mualliflik qilgan.