Yakshanba kuni "PSJ" va "Marsel" o‘rtasida Fransiya chempionati o‘yini bo‘lib o‘tdi. Parijliklar 3:1 hisobida ishonchli g‘alaba qozonib, chempionlik sari yaqinlashdi. O‘yin davomida "PSJ" muxlislari "Marsel" futbolchisi Adriyen Rabyoni haqorat qilgan bannerni osib qo‘yishdi. O‘z vaqtida yarim himoyachi "PSJ"da o‘ynagan.
"Sadoqat erkaklar uchun, xiyonat yengil tabiatli ayollar uchundir. Onasi qanday bo‘lsa, bolasi ham shunday" - degan yozuv tushirilgan bannerlar ilindi.
Qayd etish kerakki, Adriyen Rabyoning agenti Veronik ismli onasi hisoblanadi. Aytish joizki, o‘yin oldidan "PSJ" Adriyen Rabyoning haqoratlari tufayli "Marsel" bilan o‘yin qoldirilishidan cho‘chigandi.














