Якшанба куни "ПСЖ" ва "Марсель" ўртасида Франция чемпионати ўйини бўлиб ўтди. Парижликлар 3:1 ҳисобида ишончли ғалаба қозониб, чемпионлик сари яқинлашди. Ўйин давомида "ПСЖ" мухлислари "Марсель" футболчиси Адриен Рабьони ҳақорат қилган баннерни осиб қўйишди. Ўз вақтида ярим ҳимоячи "ПСЖ"да ўйнаган.
"Садоқат эркаклар учун, хиёнат енгил табиатли аёллар учундир. Онаси қандай бўлса, боласи ҳам шундай" - деган ёзув туширилган баннерлар илинди.
Қайд этиш керакки, Адриен Рабьонинг агенти Вероник исмли онаси ҳисобланади. Айтиш жоизки, ўйин олдидан "ПСЖ" Адриен Рабьонинг ҳақоратлари туфайли "Марсель" билан ўйин қолдирилишидан чўчиганди.














