"Atletiko" darvozaboni Yan Oblak Ispaniya chempionatining 28-turidan o‘rin olgan "Barselona"ga qarshi o‘yinda jamoasining asosiy tarkibida maydonga tushdi va shu tariqa Madrid klubi tarixida eng ko‘p uchrashuv o‘tkazgan futbolchilar bo‘yicha uchinchi o‘ringa chiqib oldi.
"Barselona" bilan o‘yin darvozabon uchun "Atletiko" tarkibidagi 483-o‘yin bo‘ldi, bu klub tarixidagi uchinchi ko‘rsatkichdir. Tomas Renones ham klub safida shuncha o‘yin o‘tkazgan. Undan yuqorida 553ta o‘yin o‘tkazgan Adelardo va "matraschilar" libosida 672ta uchrashuv o‘tkazgan Koke joy olgan.
Yan Oblak joriy mavsum "Atletiko" safida Ispaniya chempionatida 27 ta uchrashuv, shuningdek, Chempionlar ligasida 10 ta o‘yin o‘tkazdi. Futbolchining klub bilan shartnomasi 2028 yilning 30 iyuniga qadar mo‘ljallangan.
