"Nyukasl" yarim himoyachisi Angliya Liga Kubogidagi g‘alabadan keyingi hissiyotlari haqida gapirdi.

Sandro Tonalining aytishicha, "qarg‘alar" bilan shartnoma imzolaganidan keyin uning tanishlari Angliyada g‘alaba qozonish Italiyadagidan ko‘ra qiyinroq bo‘lishini aytgan.

"Biz har doim "Nyukasl" qahramonlari bo‘lib qolamiz: Kubokdagi g‘alabadan ta’riflab bo‘lmas his-tuyg‘ular. Klub bilan shartnoma imzolaganimda hamma menga bu yerda g‘alaba qozonish juda qiyin bo‘lishini aytdi. Angliya futbolining o‘yin tezligi va shiddati A Seriyani ortda qoldiradi," - dedi Tonali.