"Manchester Yunayted"ning daniyalik yarim himoyachisi Kristian Eriksen joriy mavsum yakunlanganidan keyin jamoani tark etadi. Bu haqda nufuzli insayder Fabrisio Romano xabar bermoqda.
Manbaga ko‘ra, Eriksenning kelajagida hech qanday o‘zgarishlar bo‘lmagan. Ta’kidlanishicha, 33 yoshli futbolchi avvalroq rejalashtirilganidek, 2025 yilning yozida erkin agentga aylanadi. Eriksen "Manchester Yunayted"da 2022 yildan buyon o‘ynab kelmoqda.
Joriy mavsumda u barcha musobaqalarni hisobga olgan holda 27 ta o‘yinda maydonga tushib, 4 ta gol urdi va 4 ta golli uzatmani amalga oshirdi.
