"Манчестер Юнайтед"нинг даниялик ярим ҳимоячиси Кристиан Эриксен жорий мавсум якунланганидан кейин жамоани тарк этади. Бу ҳақда нуфузли инсайдер Фабрицио Романо хабар бермоқда.
Манбага кўра, Эриксеннинг келажагида ҳеч қандай ўзгаришлар бўлмаган. Таъкидланишича, 33 ёшли футболчи аввалроқ режалаштирилганидек, 2025 йилнинг ёзида эркин агентга айланади. Эриксен "Манчестер Юнайтед"да 2022 йилдан буён ўйнаб келмоқда.
Жорий мавсумда у барча мусобақаларни ҳисобга олган ҳолда 27 та ўйинда майдонга тушиб, 4 та гол урди ва 4 та голли узатмани амалга оширди.
