"Renn"dan 50 million yevro evaziga "PSJ"ga o‘tgan Dezire Due asta-sekin Luis Enrike jamoasida asosiy va zaxira o‘yinchisi sifatida muhim figuraga aylanib bormoqda. U Fransiya terma jamoasiga ilk chaqiruvini oldi.

"Bu katta g‘urur va katta baxt. Men hali yosh faoliyatimdagi juda muhim bosqichni bosib o‘tdim. Men Olimpiya o‘yinlariga tayyorgarlik paytida allaqachon Klerfonteynda bo‘lganman va bu ajoyib tajriba edi, ammo hozir hammasi boshqacha.

Men o‘ynash uchun keldim. Mening ambisiyalarim bor. Har bir futbolchi maydonga tushishni xohlaydi. Qanchalik vaqtim bo‘lmasin, undan unumli foydalanaman", dedi Due.

Joriy mavsumda 19 yoshli futbolchi "PSJ" safida barcha turnirlar doirasidagi 39ta o‘yinda 7ta gol va 11ta golga assistentlik qilgan.