"Ренн"дан 50 миллион евро эвазига "ПСЖ"га ўтган Дезире Дуэ аста-секин Луис Энрике жамоасида асосий ва захира ўйинчиси сифатида муҳим фигурага айланиб бормоқда. У Франция терма жамоасига илк чақирувини олди.
"Бу катта ғурур ва катта бахт. Мен ҳали ёш фаолиятимдаги жуда муҳим босқични босиб ўтдим. Мен Олимпия ўйинларига тайёргарлик пайтида аллақачон Клерфонтейнда бўлганман ва бу ажойиб тажриба эди, аммо ҳозир ҳаммаси бошқача.
Мен ўйнаш учун келдим. Менинг амбицияларим бор. Ҳар бир футболчи майдонга тушишни хоҳлайди. Қанчалик вақтим бўлмасин, ундан унумли фойдаланаман", деди Дуэ.
Жорий мавсумда 19 ёшли футболчи "ПСЖ" сафида барча турнирлар доирасидаги 39та ўйинда 7та гол ва 11та голга ассистентлик қилган.
