Germaniya terma jamoasi va Madridning "Real" klubi markaziy himoyachisi Antonio Ryudiger Millatlar ligasining ahamiyati haqida gapirdi.

Yulian Nagelsmann jamoasi chorak finalda Italiyaga qarshi bahs olib boradi. O‘yinlar 20 va 23 mart kunlari bo‘lib o‘tadi.

"Real" bilan Chempionlar ligasidagi g‘alaba yoki terma jamoa bilan Millatlar ligasidagi g‘alaba? To‘g‘risini aytsam, oldin o‘ylamasdan Chempionlar Ligasi muhimroq deb javob bergan bo‘lardim. Ammo hammamiz bilamizki, so‘nggi paytlarda Germaniya terma jamoasida hammasi silliq ketmayapti. Yaxshiyamki, hozir vaziyat ijobiy tomonga o‘zgarmoqda. Balki Millatlar ligasida g‘alaba qozonish jahon chempionatida g‘alaba qozonish bilan bir xil emasdir, ammo bu ham muhim," - dedi Ryudiger matbuot anjumanida.