2022-yildan beri RPL Yevropaning futbol olamida qisman izolyasiya qilindi. Top chempionatlardan futbolchi jalb qilish qiyinlashdi, chunki ko‘plab o‘yinchilar Chempionlar Ligasi va Yevropa Ligasi yo‘qligi sababli Rossiyaga ko‘chib o‘tishga tayyor emas. Umuman olganda, transfer bozori ancha toraydi.
Sports.ru saytida blog yuritadigan Ilya Vasilyev 2022-yil yozidan buyon RPLga kelgan eng yaxshi 15 ta xorijlik futbolchi reytingini tuzdi. SSKA yarim himoyachisi Abbos Fayzullayev ushbu reytingda 8-o‘ringa joylashtirildi.
"Abbosbek Fayzullayev (SSKA)
38 o‘yin, 7 gol, 10 assist
SSKA tomonidan juda kichik summaga sotib olingan va ehtimol, asosiy tarkib uchun nomzod sifatida qaralmagan. Lekin u darhol jamoaning asosiy yulduzlaridan biriga aylandi. 2023-yil kuzida 20 yoshli Fayzullayev inqirozga uchragan SSKAda o‘zini ajralmas futbolchi sifatida ko‘rsatdi. U o‘zining aqlli harakatlari, dribling va aniq uzatmalari bilan jamoaning hujumdagi muammolarini hal qildi.
Fayzullayev ayrim paytlarda O‘zbekiston yoshlar terma jamoasi musobaqalari (Osiyo kubogi-2024, U-23 Osiyo kubogi-2024 , Olimpiada-2024) sababli jamoadan uzoqlashgan. Ammo qaytganida yorqin o‘yinlari bilan ajralib turdi. U SSKAdagi eng samarali futbolchilardan biri bo‘lib, kelajakda foydali transferga aylanishi mumkin", — deya ta’rif berildi o‘zbekistonlik futbolchiga.
