Jon Barns Muhammad Salohning “Oltin to‘p”ni qo‘lga kiritish imkoniyatlarini baholadi.
– "Liverpul"ning Chempionlar ligasini tark etishi Muhammad Salohning "Oltin to‘p"ni qo‘lga kirita olmasligini anglatadimi?
- Rodri g‘alaba qozonganida hamma nima uchun Vinisius Juniorni emas deb uni muhokama qilishdi. Ammo Vinisius hali ham o‘yinda, Jud Bellingem va Chempionlar ligasida o‘ynashda davom etayotgan boshqa o‘yinchilar ham.
Menimcha, “Oltin to‘p” sohibini odatda yo yaxshi o‘yin ko‘rsatgan yoki Chempionlar ligasida g‘olib chiqqanlar aniqlaydi.
Ochig‘i, hammasi Muhammad Salohning chempionatda qanday o‘ynashiga bog‘liq bo‘ladi. Agar u mart va may oylari orasida ko‘p gol ursa, g‘alaba qozonish imkoniyatiga ega bo‘ladi.
Lekin menimcha, Chempionlar ligasidan chiqib ketish uning qo‘lida o‘ynamaydi. Aytgancha, bu mavsumda aniq da’vogar yo‘q deb o‘ylayman.
Xoland o‘zining 60 ta golini urganida va Rodri ajoyib mavsum o‘tkazib, treblni qo‘lga kiritganida, ular haqiqatan ham ajralib turishdi. Ammo hozir: "Ha, u albatta “Oltin to‘p”ni qo‘lga kiritadi”, deb aytishi uchun barqaror va ajoyib o‘ynaydigan bironta futbolchi yoki klub yo‘q.
"Liverpul" allaqachon safdan chiqqan bo‘lsa-da, Saloh mavsumni yaxshi yakunlasa, u allaqachon kiritgan barcha gollari hisobga olinsa, u imkoniyatga ega bo‘ladi. Ammo Chempionlar ligasini tark etish, albatta, unga qarshi ishlaydi" - dedi "Liverpul"ning sobiq futbolchisi.
