Жон Барнс Муҳаммад Салоҳнинг “Олтин тўп”ни қўлга киритиш имкониятларини баҳолади.
– "Ливерпул"нинг Чемпионлар лигасини тарк этиши Муҳаммад Салоҳнинг "Олтин тўп"ни қўлга кирита олмаслигини англатадими?
- Родри ғалаба қозонганида ҳамма нима учун Винисиус Жуниорни эмас деб уни муҳокама қилишди. Аммо Винисиус ҳали ҳам ўйинда, Жуд Беллингем ва Чемпионлар лигасида ўйнашда давом этаётган бошқа ўйинчилар ҳам.
Менимча, “Олтин тўп” соҳибини одатда ё яхши ўйин кўрсатган ёки Чемпионлар лигасида ғолиб чиққанлар аниқлайди.
Очиғи, ҳаммаси Муҳаммад Салоҳнинг чемпионатда қандай ўйнашига боғлиқ бўлади. Агар у март ва май ойлари орасида кўп гол урса, ғалаба қозониш имкониятига эга бўлади.
Лекин менимча, Чемпионлар лигасидан чиқиб кетиш унинг қўлида ўйнамайди. Айтганча, бу мавсумда аниқ даъвогар йўқ деб ўйлайман.
Холанд ўзининг 60 та голини урганида ва Родри ажойиб мавсум ўтказиб, треблни қўлга киритганида, улар ҳақиқатан ҳам ажралиб туришди. Аммо ҳозир: "Ҳа, у албатта “Олтин тўп”ни қўлга киритади”, деб айтиши учун барқарор ва ажойиб ўйнайдиган биронта футболчи ёки клуб йўқ.
"Ливерпуль" аллақачон сафдан чиққан бўлса-да, Салоҳ мавсумни яхши якунласа, у аллақачон киритган барча голлари ҳисобга олинса, у имкониятга эга бўлади. Аммо Чемпионлар лигасини тарк этиш, албатта, унга қарши ишлайди" - деди "Ливерпул"нинг собиқ футболчиси.
