Darvozabon Andre Onana "Manchester Yunayted"ni tark etib, faoliyatini boshqa chempionatda davom ettirishi mumkin. Bu haqda The Sun tabloidi jurnalistlari xabar bermoqda.
Manbaga ko‘ra, "qizil iblislar" 28 yoshli afrikalikni Saudiya Arabistoniga sotishga tayyor. Onananing o‘rniga ingliz grandi rahbariyati Fransiyaning "Lill" klubidan Luka Shevalye nomzodini ko‘rib chiqmoqda. Uning transfer narxi 47 million yevroga baholanmoqda.
Onana joriy mavsum 40 ta o‘yinda ishtirok etib, to‘qqiztasida o‘z darvozasi daxlsizligini saqlab qoldi. Uning shartnomasi 2028 yilning yarmigacha mo‘ljallangan bo‘lib, bozor qiymati 32 million yevroga baholanmoqda.
