Дарвозабон Андре Онана "Манчестер Юнайтед"ни тарк этиб, фаолиятини бошқа чемпионатда давом эттириши мумкин. Бу ҳақда The Sun таблоиди журналистлари хабар бермоқда.
Манбага кўра, "қизил иблислар" 28 ёшли африкаликни Саудия Арабистонига сотишга тайёр. Онананинг ўрнига инглиз гранди раҳбарияти Франциянинг "Лилль" клубидан Лука Шевалье номзодини кўриб чиқмоқда. Унинг трансфер нархи 47 миллион еврога баҳоланмоқда.
Онана жорий мавсум 40 та ўйинда иштирок этиб, тўққизтасида ўз дарвозаси дахлсизлигини сақлаб қолди. Унинг шартномаси 2028 йилнинг ярмигача мўлжалланган бўлиб, бозор қиймати 32 миллион еврога баҳоланмоқда.
