2021 yilda "Barselona" jiddiy moliyaviy qiyinchiliklar tufayli Lionel Messiga yangi shartnoma taklif qila olmadi. Kataloniya klubidagi faoliyati davomida Messi shartnomasini 9 marta uzaytirdi va har safar moliyaviy shartlarni oshirdi.
AS nashri xabariga ko‘ra, "Barselona" tajriba orttirdi va Yamal bilan "Messi xatosi" deb atalmish xatoni takrorlamaslikka umid qilmoqda.
Qayd etilishicha, "Barselona" Yamalning maoshini keskin oshirmaydi. Iqtidorli futbolchiga shartnoma taklif qilinadi, unga ko‘ra uning maoshi klubning moliyaviy farovonligiga putur yetkazmasdan, bosqichma-bosqich oshiriladi. Iyul oyida Lamin Yamal o‘zining 18 yoshini nishonlaydi.
