2021 йилда "Барселона" жиддий молиявий қийинчиликлар туфайли Лионель Мессига янги шартнома таклиф қила олмади. Каталония клубидаги фаолияти давомида Месси шартномасини 9 марта узайтирди ва ҳар сафар молиявий шартларни оширди.
AS нашри хабарига кўра, "Барселона" тажриба орттирди ва Ямал билан "Месси хатоси" деб аталмиш хатони такрорламасликка умид қилмоқда.
Қайд этилишича, "Барселона" Ямалнинг маошини кескин оширмайди. Иқтидорли футболчига шартнома таклиф қилинади, унга кўра унинг маоши клубнинг молиявий фаровонлигига путур етказмасдан, босқичма-босқич оширилади. Июль ойида Ламин Ямал ўзининг 18 ёшини нишонлайди.
