Niderlandiya terma jamoasi bosh murabbiyi Ronald Kuman Ispaniya terma jamoasi bilan bo‘lib o‘tadigan UYEFA Millatlar ligasi 1/4 finali javob uchrashuvi haqida fikr bildirdi. Uchrashuv bugun, 23 mart kuni Valensiyadagi "Mestalya" stadionida bo‘lib o‘tadi.
"Yana yuqori shiddatli o‘yin kutaman. Ikkala jamoa ham o‘tgan payshanbadan saboq olishlari mumkin va yaxshilanishi mumkin bo‘lgan narsalar bor. Hisob 2:2 bo‘ldi, lekin Ispaniya bosim ostida qolgan paytlar ko‘p bo‘ldi. Biz hali ham yaxshiroq ish qila olamiz, lekin men payshanba kunidan mamnun bo‘ldim. Menimcha, bu terma jamoa bosh murabbiyligidagi ikkinchi davrimdan beri eng yaxshi o‘yinimiz bo‘ldi", - dedi Kuman UYEFA rasmiy saytiga.
Birinchi uchrashuv 2:2 hisobida yakunlangandi. Gollarga Ispaniya terma jamoasidan Niko Uilyams va Mikel Merino, Niderlandiya terma jamoasidan esa Kodi Gakpo va Teyani Reynders mualliflik qilishdi.
