Нидерландия терма жамоаси бош мураббийи Рональд Куман Испания терма жамоаси билан бўлиб ўтадиган УЕФА Миллатлар лигаси 1/4 финали жавоб учрашуви ҳақида фикр билдирди. Учрашув бугун, 23 март куни Валенсиядаги "Месталья" стадионида бўлиб ўтади.
"Яна юқори шиддатли ўйин кутаман. Иккала жамоа ҳам ўтган пайшанбадан сабоқ олишлари мумкин ва яхшиланиши мумкин бўлган нарсалар бор. Ҳисоб 2:2 бўлди, лекин Испания босим остида қолган пайтлар кўп бўлди. Биз ҳали ҳам яхшироқ иш қила оламиз, лекин мен пайшанба кунидан мамнун бўлдим. Менимча, бу терма жамоа бош мураббийлигидаги иккинчи давримдан бери энг яхши ўйинимиз бўлди", - деди Куман УЕФА расмий сайтига.
Биринчи учрашув 2:2 ҳисобида якунланганди. Голларга Испания терма жамоасидан Нико Уильямс ва Микел Мерино, Нидерландия терма жамоасидан эса Коди Гакпо ва Тейани Рейндерс муаллифлик қилишди.
