"Yuventus" kelasi mavsum oldidan jamoaga yangi bosh murabbiy tayinlash haqida o‘ylamoqda.

Yaqinda "keksa sinyora"ning bosh murabbiyligini ishdan bo‘shatilgan Tyago Motta o‘rniga Igor Tudor egalladi. Xorvat bilan mavsum oxirigacha qisqa muddatli shartnoma imzolagan va uni bir yilga uzaytirish imkoniyatiga ega. Ayni paytda jurnalist Fabyana della Vallening ma’lum qilishicha, "Yuventus"da boshqa nomzodlar o‘rganib chiqilmoqda. "Byankonerilar"ning asosiy nishoni "Napoli"da ishlayotgan Antonio Konte bo‘lib qolmoqda. Shuningdek, qiziqishlar ro‘yxatida hozirda ishsiz bo‘lgan Zinedin Zidan va Roberto Manchini ham bor. Stefano Pioli ("An-Nasr") yoki Jan-Pyero Gasperini ("Atalanta") variantlari ham istisno qilinmagan, ammo buni hozircha tasavvur qilish qiyin.